Thursday, December 17, 2009

بعاد






بنتحجج بأى كلام يعيد لحظة لـُقا تاهت

ونتفاجيء بإن كلامنا من طول البعاد باهت

ويفضل في الحنين كلمة ولا بتسكت ولا اتقالت

.
.
.


ويبدأنا الكلام بسؤال

عن الاخبار وأحوالنا

حروف اجابتنا بالمللى بنفس اللفظ والمعنى

تمام الحمد لله ع الحياه ـ عايشين

ويرسم صمت ملامحنا عتاب وحنين

نعود للذكرى ونسلّم ـ ونتألم

يكون الصمت على آخره . . فنتكلم

ونتفاجىء

بأن كلامنا من طول البعاد باهت

وان الحلم في لقانا ضمير ساكت

ونتسابق يامين يوصل

حدود الذكرى قبل التانى يحكيها

وتسكن فينا اوجاعها وتسرح فينا حكاويها

ونتنهد ويرجع صبرنا للصمت

وينهينا الكلام بوداع بنفس اللفظ والمعنى

ونفس الكبت

ـ قوام الوقت بيعدي ـ ترد تقول سرقنا الوقت

ونتفرق على وعد اللقا تانى

نعيد لحظة لقا تاهت
*****
احمد البوهي



13 comments:

eman ezzeldin said...

كلام رقيق ومشاعر مرهفة ...حلوة قوى ربنا يوفقك

زهرة الجنة said...

ديما بقرأ كلماتك
وديما برفعلك القبعه احترما

بجد كلمات جميلة جداااا
فنان ومتألق ديما يابوهي

شيمـــــاء said...

:D

فاتيما said...

وحشتنا
و وحشنا كلامك الرقيق
زى قلبك

Anonymous said...

لازالت كلماتك تدهشني وتمس احاسيس وجداني بابعادها اللامتناهية فتخلق جوا شعوريا متفردا لا يمت للواقع بصلة
دمت مبدعا يا أبيه
انفع انفع؟؟
:))

يا مراكبي said...

مش دي هي هي اللي كانت هناك؟ انت نقلتها هنا والا لطشتها من البوهي اللي هناك؟

Jana said...

"ويفضل في الحنين كلمة ولا بتسكت ولا اتقالت"

باسافر لما اقرالك واحس بحنين المسافرين لاهلهم واصحابهم ويوحشونى كمان ..وانسى انى فى مكانى لا رحت ولا جيت

كلامك مركب ورق بتودينى وترجعنى ..

يارب تلاقى مركب ترسيك على بر يا بوهى

๓คภ๏ภค said...

دمت مبدع فى وصف ارق المشاعر بابسط الكلمات

ايه ده بقيت بقول شعر ههههههههههههههههه

تسلم يا بوهى بجد

كلمات من نور said...

الحمدلله على سلامتك وفعلا للحنين كلام لو نطق بيه يتكتب في كتب ودواوين شعر...كلماتك رقيقه للغاية فلا تحرمنا إياها

كرانيش said...

جميل ما تقول

حرروف said...

الله حلوة اوي اية دةة

بجد لا تعليق زي الكومنتات بظبط

Shrouk said...

ا"ونتفاجىء

بأن كلامنا من طول البعاد باهت

وان الحلم في لقانا ضمير ساكت

ونتسابق يامين يوصل

حدود الذكرى قبل التانى يحكيها

وتسكن فينا اوجاعها وتسرح فينا حكاويها
ونتنهد ويرجع صبرنا للصمت

وينهينا الكلام بوداع بنفس اللفظ والمعنى

ونفس الكبت"ا


الله بجد

كلمات من نور said...

أسرة منتدى زبد البحر يتمنى منكم التواجد معنا في منتدى عالم المدونيين والمدونات

http://mhg1962.ba7r.org/forum.htm