Friday, September 7, 2007

تنهيدة فى مشوار الصبر

عذراً





فلقد تيقنت الآن والآن فقط
ان للانكسارات رونق خاص
وبريق يجذبنى اليه
ونشوة تسرى داخلى
فأنا انهل من اشجانى بنفس القدر الذى يجعلنى قادرا
على التبسم فى وجوه الآخرين




*****



ذكريات الغد



لثّم صمتك
واخفى ملامح وشك كله
خلف سواد الليل
ارسم صورة فى لوحة وهمك
صورة تجسد كل ملامحك
بالتفاصيل

ركّز اكتر
عالتجاعيد المنحوتة المكبوتة فى وشك
واياك تنسى الحسنة السودة المركونة على رف شفايفك
خايف؟

..عارفك..
مع انك مش ضامن عمرك
خايف من بكرة
على فكرة
لو تفضل خايف كده على طول
هتضيع معانيك فى طريق مجهول
ويطول وياك حزن الايام
وتسلم نفسك للاوهام
واللون مخطوف
وفى مد الشوف جواك
هتخاف وتغمض عينك
مش هتشوف
غير عتمة ضلمة يا دوب تسمحلك
ترسم صورة فى لوحة وهمك

خايف؟
..عارفك..
هش..وأمانيك كلها ماتت
احساسك ..مات
وزمانك..فات
ومدار الشك اللى فى بالك
حواليك بيطوف
وآثار البسمة اللى فى وشك
ماتت مالخوف
..
ماتت مالخوف
لساك خايف؟؟

50 comments:

linda said...

عذراَ فالأنكسار لا رونق له
لا لون له
لا حدود له
فقط ظلام لا ترى فيه ولا تسمع سوى صوتك الباطن
وحدك هناك تنتمي للمجهول

-----------------------------------------

ذكريات الغد!!! سمات المستقبل ايضا مجهولة

نخاف طبعا نخاف من منّا لا ترعبه فكرة الغد المجهول؟
كل شيء غريب غير محسوس غامض يريبنا فيخيفنا
أتقول انك لا تخاف؟
لا تخاف الموت؟
حياة الجديدة؟
يوم مجهول؟

إذا سأستخدم كلمتي الأولى وربما كلمتك
عذراَ فلست بإنسان حينها

حزيــــــــــــــــــن said...

هل تذكر كلماتى عن الحياة والموت
هل فتشت عنى بداخلك او عنك بداخلى هل احرقت كل ذكرى تميت فينا المشاعر الف مره لتطرح بداخلنا الشوك
هل يؤلمك الشوك
لكنه لا يؤلمنى ربما لأنى فقدت القدره على الاحساس ربما لأنى لا اريد ان اشعر
ولكن ما اعرفه الان جيدا
انى لست حزين بعد اليوم
اليوم ابتسامه
اليوم افكر فى ابنى الكبير حمزه ان شاء الله
اليوم افكر فى زواجى وحفل زفافى
اليوم افكر فى الرووب الاسود والكاب فى مناقشة رساله الدكتوراه
اليوم افكر فى لحيتى ونقاب زوجتى ومصحفى وقربى من الله
اليوم اتمنى ان احلم بالرسول ص
اليوم سوف اطلب من الله الجنه

واطلب من الله ان ترافقنى الجنه وان نرافق الرسول

اخى ابتسامتك اسعدتنى طوال اربع سنوات
انى احبك فى الله


مكنش ينفع ارخم عليك فى التعليق دا
ارجوك نزل بوست تانى بسرعه عشان ارخم عليك فيه

احمد مهنى

inksarat said...

linda

سعيد جدا بتعليقك وحماسك الملحوظ به
ولكن لماذا لا تعتبر كلماتى هذه مجرد عمل ادبى فقط؟؟

فانا شخصيا سعيد بأن تكون لكلماتى هذا الصدى الرائع لديك
واعتذر اذا تسببت فى اى اثر سلبى

واشكرك.. فلربما بعد اليوم تتحول انكساراتى الشخصيى الى تحديات

تحياتى

inksarat said...

حزيــــــــــــــــــن

صديقى لا يسعنى من القول الا هذا الدعاء

اللهم لا تجعلنا ممن اطال
الامل واساء العمل
واجعلنا ممن سمع الحكمة فوعى
وسمع القرآن فدنى
واتبع الصراط فنجى
..آمين..

اكرمك الله واعزك
ورزقك نعيم الدنيا
وجنة الآخرة
..
واحبك الله الذى احببتنى فيه
ورزقنى واياك الاخلاص فى القول والعمل

sendbad said...

لك طابع جميل في وصف انكسارتك واشعر انك مستمتع بها
واعتذر عن تعليقي السابق

أحلى حيـــاة said...

جئت البى دعوتك الكريمه

الحزن والانكسار والتألم
بمعنى ادق المشاعر التى تضفى على القلب معنى من معانى الاخفاق دائما ما تؤثر اكثر وتسمو فيها الكتابات الادبيه

ذلك ان طبيعة التألم فى حد ذاته امر غير مرغوب او ربما ان له طابع خاص يترك اثرا عميقاً اكثر من الضحك او البهجه
ولهذا فانا اعتقد ان كثيرا من الادباء الذين ابدعوا فى رسم الوان الحزن هم اسعد الناس

اما عن قصيدتك
فمثل قصائد كثيره للشباب فى هذا الوقت اعتقد ان هذا النوع من القصائد انما خلق مخصوص ليقدم شعور ما او يضعك فى دائره من المشاعر تتضارب ولكن يكون لها رحيق ملئ بالحنين الى شئ ما لا نعرفه ربما الى فكره او الى البحث عن الذات داخل كل فرد منا ذلك البحث الذى اصبح طبيعيا على غير المعتاد سابقا فى زمن ضاعت فيه فكرة هوية المرء

اجد فىقصيدتك بعض الاشياء ملفته للنظر فى حد ذاتها ذات فكره تشبيهيه جميله ولا اعلم ان كنت انت قصدتها ام جائت معك بمحض صدفه
فمثلا
لثّم صمتك
واخفى ملامح وشك كله
خلف سواد الليل
ارسم صورة فى لوحة وهمك
صورة تجسد كل ملامحك
بالتفاصيل

معروف ان من يرسم بالذات ملامح شخص لابد وان يكون الشخص امامه او صوره له لأن هذا النوع من الرسم ليس كرسم اى ملامح افتراضيه او رسم منظر طبيعى
ولكنك تريده ان يرسم تفاصيل وجهه بعد اخفاءها وايضا فى الليل اى مع عدم وضوح الرؤيه وهذا فى حد ذاته ربما يكون مستحيلا
ايضا اخفاء ملامح وشك خلف سواد الليل وكأن الليل هو الوشاح اللى هتلثم نفسك بيه
يعنى انت فى النهايه مش هتخنق نفسك بوشاح على وجهك وانما هتلثم وجهك بالظلام

ولكن ارى ان كلمة لثم هنا مختلقه كما انها لا تناسب النطاق العام للقصيده

وبعدين رجعت تانى تتكلم عن العتمه وتكرر نفس الجمله
ترسم صورة فى لوحة وهمك
انت ركزت على المعنى دا اوى
انا طولت والقصيده مليانه
لى عوده

طائر الحلم والحنبن said...

الحزن ألم .. الألم عدو لو خفنا منه .. صاحب لو صاحبنا ..
الحزن والفرح والحنين والحب أصحاب .. بلاش نخسرهم .. بلاش نخاف منهم

mirage said...

لطالما كانت مشاعر الحزن أصدق في التعبير عن التجارب الانسانية
بوست رقيق وجميل..
تحياتي

امرأة تقول الذي لا يقال said...

فلقد تيقنت الآن والآن فقط
ان للانكسارات رونق خاص
وبريق يجذبنى اليه
ونشوة تسرى داخلى
فأنا انهل من اشجانى بنفس القدر الذى يجعلنى قادرا
على التبسم فى وجوه الآخرين




بجد تحفة

عين ضيقة said...

حلوة القصيدة

استنانى تانى

الحلم العربي said...

كتاباتك جميلة و وصفك لانكساراتك أجمل
و لكن من الخطأ أن نضيع حياتنا في سلسلة انكسارات فالضربة التى لا تميتنى تقوينى و هكذا لابد أن نتعامل مع الانكسارات

تحياتي لك و آسفة على التأخير جدا لكن أنا مش عارفة حضرتك نزلت البوستات دي كلها امتى انا جيت من كام يوم ما شفتش جديد
أشكرك جدا

سكوت هنصوت said...

انكسارات

تسعدني زيارتك و دعوتك فوق الوصف

كما تسعدني كلماتك دائما

كلماتك العامية هذه المرة...لها لحن خاص

كإنه كلمات كتبت لتغني

موسيقاها فيها..قوية وواضحة...

أعجبتني مقولتك " انا انهل من اشجاني بنفس القدر الذي يجعلني قادرا على التبسم في وجوه الأخرين"

بالفعل للأشجان طعم هادئ..لا هو قوي و موجع كالحزن..,لا غامر و وقتي كالفرح...بل هو احساس لا يمل المرء من النهل منه...دونما ارتواء..كأنه يلئم الروح المجروحة حتى تشفي

اعتقد ان هذه الجملة مستني كثيرا

تحياتي لقلم لا يتوقف عن الإبداع

أميرة محمد محمد محمد said...

انكسارات تصف احساسي بطريق رائعه اسعدني من يجد ان في الحزن رونق خاص واننا نحتاج الي الحزن قليلا هناك فارق شاسع بين الحزن الشفاف المرهف وبين النكد والكابه وللاسف معظم الناس يلتبس عليهم الامر

تسعدني مدونتك لانها توضح بالشعر مالااقدر علي وصفه بالكلام

ربنا يتقبل دعائك انت وصديقك حزين

inksarat said...

sendbad
...
تعيقك يهمنى لاقصى ما تتخيل
ارجو مداومة الزيارات
..تعليقك السابق امتعنى ولكنه فقط اثار داخلى شجون وتساؤلات ..ربما هربت من الاجابة عليها
اشكرك..
ولا اسف ولا حاجة..دا انا اللى غلطان

تحياتى ليك

**************

أحلى حيـــاة
...
انا بعد ما قريت تعليقك حسيت انه ده اصلا البوست ..وانا يا دوب كنت بحاول اعلق عليه!!؟

حقيقى بتبهرنى تعليقاتك وبتسعدنى لاقصى مدى رغم انى بختلف فى جزء صغير فيها الا اننى اشعر معها بارتقاء النقد وعمق الكلمات

بص بقة ان شاء الله لازم وحتما ولابد ازور مدونتك فى اقرب وقت والاقى حاجات جديدة.. ماشى؟؟
تانى حاجة بما ان ليك عودة فانا هنتظر تعليقك على البوست اللى فات؟؟
تالت حاجة ..اكرمك الله واعزك وبارك الله فيك

**************

طائر الحلم والحنبن
...
اشكر لك زيارتك الجميلة وكلماتك القليلة التى اضفت معنى عميق
تحياتى لك

inksarat said...

mirage
..
اكرمك الله واعزك
شكرا على المجاملة الرقيقة
تقبلى تحياتى

*********

امرأة تقول الذي لا يقال
..
اشكرك وفى انتظار زيارات متكررة
تحيتى لتعليقك ..ربما لا استطيع الرد عليه!؟

*********

عين ضيقة

اشكرك..ومستنيكى تانى

inksarat said...

الحلم العربى
..

اشكرك جدا ..متفق معكى فلابد ان يكون الانسان ذكى بالقدر الذى يجعله قادرا على استثمار تجاربه ومواقفه وافراحه واحزانه ..ويحقق اقصى استفادة ممكنه
..ولكنه عمل ادبى ..وربما...يمتد ليحمل معه جانب منى فى لحظات ضعف عفوية

شرفتينى بالزيارة

************

سكوت هنصوت
..
اشكر لكى تلبية الدعوة .. واشكر لكى تعليقك

اوعى يكون كلامى مسك بجد لانى بزعل لما الكلام الحزين ده بيأثر فى حد ..تعاملى مع اعمالى بالمنظور الادبى فقط بارك الله فيكى
واوعى تكونى عاملة حسابكان اى بوست جديد هروح لحد عندك واعزمك زى كل مرة ..لاااا..على الاقل يبقى فى مرة كده هعمل نفسى زعلان

تحياتى ليكى ..وبيسعدنى تعليقك كثيرا

inksarat said...

أميرة محمد محمد محمد
..
هقول ايه ..انا بعد ما قريت التعيق حسيت انى كتبت البوست ده علشان اقدر اعبر عن اللى فى التعليق

اكرمك الله
وتقبلى تحياتى

أحلى حيـــاة said...

اخى انت علقت عندى مرتين
وفى المرتين طلبت منى تغيير الصورة الرمزيه وشعرت من اسلوبك بشئ من السخريه
لكنى اود ان اتحدث معك بهذا الشأن
فأنا ومدونتى وجميع المدونات لا نعنى لك اى شئ مادمت شخصاً ناجحاً اما ان كنت لا تعتبر نفسك ناجحا فى حياتك فانت وانا والجميع يهرب الى هذا العالم المزيف الذى يسمى التدوين
انه عالم مجازى صورتى الرمزيه فيه وكتاباتى وقلمى ومشاعرى ربما اكثر من ذلك حتى تصميم المدونه كلها انطباعات زائفه نصنعها لنبهر بها الاخرون او لننتظر منهم اعجاب او ثناء او على الاقل مشاركه
فى وقت انت فيه لست بحاجه لثناء من احد
فماذا ينقصنى اذا سخرت من صورتى وماذا يزيدنى اذا قلت لى انى مبدع او رائع
انها كلمات لا تسمن ولا تغنى من جوع
ابتكارات من صنع البشر لمحاولة ايجاد اى شئ يعجب الاخرون
بينما اذا كنت من اجل فكره انت مقتنع بيها ومخلص لها بغض النظر عن كلمات الناس
ربما حينها
يكون للانطباعات معنى اخر

inksarat said...

أحلى حيـــاة
.........
انى احبك فى الله
>>
لم تكن سخرية على الاطلاق بل مجرد مزاح
اشكر لك عدم تقبلك مزاحى
وارجو ان تتقبل اسفى
...
بصدق احببتك فى الله

سكوت هنصوت said...

انكسارات

اولا...الحزن احساس جميل..برغم مرارتة

والشجن احساس اعلى و اجمل..لإنه بيشعر المرء بادميتة

باحساسة انه انسان مشاعرة في تغير مستمر

وهو اجمل من الكره والحقد والغضب والعنف والثورة...لإن كل دول مشاعر تهد الروح و تستنزف الطاقة

اما الشجن فإحساس عميق و رقيق زي نسمة هوا عذبة في شهر اكتوبر ساعة المغربية...عارف النسمة دي..الي تعدي على روحك تفكرك بخمسين حاجة فاتوا عليك...

اهي كلماتك بتفكرني بالنسمة الرقيقة دي...صدقني مفيش ذرة احساس سلبي تصلني من كلماتك حتى الحزينة منها

اما بقى عن العزومة...فيا سيدي انا احب اتقل و اشوف اهميتي عندك...وهستنى دعوتك كل مرة..من باب العشم

كل عام وانت بخير و ربنا يتقبل منك صالح الأعمال

آلام وآمال said...

معذرة بجد مش عارف اعلق

كلامك يتقري بس لكن صعب ان الواحد يعلق عليه
او على الاقل واحد مثلي معنديش الادوات اللي تسمح لي بالتعليق على الكلام الكبير ده
انا بستمتع بس لما اقراه وده اللي اقدر اقوله

تقبل تحيتي

أحلى حيـــاة said...

وكيف بعد ان كررت اعتذارك اكثر من مره لا اقبله
بالرغم من انى لم اطلب منك اعتذارا ولا حتى عاتبتك
انا كنت اتحدث معك بصدر رحب كأخ صغير لى او كبير
سعيد بمعرفتك

فى القلب said...

كلما تقدم بى الزمن فى عالم التدوين
عرفت أماكن أكثر من الكنوز
ومدونتك سأعتبرها أحد كنوزى التى تم أكتشافها

عصفور بلا أجنحة said...

كل سنة و انت طيب

أمــانــى said...

كــل رمضان وحضرتك بخير وربنا يبغلك رمضـان
ويجعلك نافع للامة ياااااااااارب آمــــــــــين
ويبغلك رمضــان ياااااااااارب آمــــــــــين

سى السيد said...

معقول أول زياره تبقى لى
حزن غير المود ياعم
بس بجد وان بقرا لك حسيت انى اعرفك
لافتات جميله اسلوبها روعه
معانيه ساميه
بس على فكره برغم من تراجيدى ده الا انى سعيد أوى انى زرتك
شخصيتك واضحه فى كتابة البوست وردودك على التعليقات

هبقى اسعد لو نورت المدونه بزيارتك

تسمح لى اضيف مدونتك عندى

david santos said...

Thanks for posting, inksarat!
Very good work.
Have a good day

نـــــــور said...

بوست جميل جدا جدا

الاولى حسيت بيها اوي ..واعتقد انها رائعة والثانية ايضا

تحياتي لقلمك المبدع

huda gamal said...

:)
كلماتك جميله كالعاده لها رونق خاص.......

كل عام وانت بخير والى الله اقرب
خالص تحياتى

Monzer said...

كلماتك اكثر من رائعة
وتعجز كلماتى عن وصفها
كل عام وحضرتك بخير حال

حزين said...

كل عام وانت بخير
لا تنسانى من صالح دعائك فى رمضان

كرانيش said...

بتكتب كويس قوى



بس اشتغل اكتر من كده فى القصيده
حساها من القشره
لا عوزاك تدخل جوه الاحساس قوى عشان تتضطرنى ادخل انا كمان
قصدى

حسها اكتر عشان اشاركك احساسك بيها

فهمتنى؟

ســـــــمــــكة said...

رما تكون قد ماتت الاماني والاحاسيس.....حينها يموت الخوف
تدوينة جميلة تعلمت منها

Human said...

فعلا بعد الخوف لا شئ سوي اللا شئ

Human said...

فعلا بعد الخوف لا شئ سوي اللا شئ

Dina Samaha said...

ذكريات الغد
مممممم
عنوان غريب اول مرة اقرا المعنى ده

عامة انا عايزة اقولك انى ماحسيتش بمعنى الخوف جوا الكلمات
حسيت بحد جواه حماس بيقاوم الخوف ده
لما جيت تقول

خايف من بكرة
على فكرة
لو تفضل خايف كده على طول
هتضيع معانيك فى طريق مجهول
ويطول وياك حزن الايام
وتسلم نفسك للاوهام
واللون مخطوف
وفى مد الشوف جواك
هتخاف وتغمض عينك
مش هتشوف
غير عتمة ضلمة يا دوب تسمحلك
ترسم صورة فى لوحة وهمك

اعتقد ده واحد بينصح نفسه انه ميخافش لان الخوف اخره عتمة وضلمة

من الاخر واحد مش عايز يخاف لان فى الاخر بيقوله لساك خايف؟
:)اوعى تخاف

صحيح الموسيقى فى الكلمات جميلة جدا
كانها كلمات متلحنة

موفق دايما
كل سنة وانت طيب :)

ياسر مدني ...دينامو الإخوان said...

أدعوكم للمشاركه في فوازير رمضان اليوميه
عباره عن خلق وصحابي بطريقه شعريه للشاعر وليد الرفشي
وكل ليله سؤال ممكن تجاوبوا عليه خلال عشر أيام

يعني ممكن تلحقوا الفوازير اللي فاتتكوا

حزيــــــــــــــــــن said...

كل عام وانت بخير

الانسان هو الحيوان الوحيد الذى يثير رعبى .. فالاسد الشبعان لا يمثل اى خوف
فليس له انتمائات واحزاب وطوائف
ولا يعانى من اضطرابات نفسيه
كما ان الاسد الجعان معروف خطره اما صديق ندل فلا احد يتوقع افعاله

رمضان كريم

inksarat said...

سكوت هنصوت
..
تعليقك ده بوست لوحده
انا قريته اكتر من ثلاثة مرات
و نسمة المغربية دى فكرتنى بذكريات جميلة وكتيرة خلتينى بقيت عايز احكيهم كلهم
..
وانا مش هقفل باب العشم
..
وربنا يتقبل منك دعائك

*************
آلام وآمال
..
كفاية بس انك تشرفنى
وربنا يكرمك ويعزك
ويعينك على طاعته


*************
أحلى حيـــاة
..
الاهم هو الاخلاص و(الصدق)..؟
تحيتى لك

inksarat said...

فى القلب
..
وتعليقك كنز هو الاخر
وكمان انا اللى اكتشفت الكنز الاول

***********

عصفور بلا أجنحة
..
وانت باحسن حال
وكل عام وانت الى الله اقرب

************

أمــانــى
..
آمييييييييين
اكرمك الله واعزك وتقبل منك
آمييييييييين

inksarat said...

سى السيد
..
شرفتنى بزيارتك
وعلى فكرة مدونتك ليها طابع مميز
تحيتى

**********

david santos
..
اشكرك

**********

نـــــــور
..
اكرمك الله
وكل عام وانتى الله الله اقرب
اشكرك

inksarat said...

huda gamal
..
اشكر لكى تشجيعك الدائم
وكل عام وانتى بخير

*********

Monzer
..
اشكرك شكرا جزيلا
حياك الله واكرمك
رمضان كريم

**********

حزين
..
كل سنة وانت طيب يا حبيبى
قلناها لبعض فى التليفون يجى خمساشر مرة

اعانك الله على طاعته

inksarat said...

كرانيش
..
شرفتينى بالزيارة
دائما ..اظن ان الاختلاف حول العمل هو ما يضفى عليه روح
وهكذا جاء تعليقك فليس جميع من قرأ القصيده وصلهم الاحساس بنفس الدرجة
وان شاء الله فى الاعمال اللى جاية يوصلك الاحساس اعلى من كده
اشكرك جدا

***********

ســـــــمــــكة
..
ربما اذا ماتت الامانى والاحاسيس
اصبح الانسان بقيا ..مجرد بقايا لذكرى بشر
تحياتى لك

*********

Human
..
من بعد ما كررت تعليقك فمش هقدر اقول غير ..فعلا
تحياتى لك

************

inksarat said...

Dina Samaha
..
تعليقك ..وصل الى الشاطىء الاخر من القصيدة..يعنى لبر الامان ..مش الخوف اطلاقا
تحيتى لتلك الاطلالة المميزة
وكل سنة وانتى طيبة

************

ياسر مدني ...دينامو الإخوان
..
جزاك الله خير ..على فكرة انا شاركت فى المسابقة لكن احتفظت بالاجابات

كل عام وانت بخير

*************

حزيــــــــــــــــــن
..
انت عايز ايه يابنى انت ؟؟
احنا مش لسه متصلين ببعض فى التليفون
عموما كل سنة وانت طيب يا حبيبى
ومتنساش الميعاد ولا هتبعنى كعادتك؟؟

هداك الله الى طريقه ورزقك نعيم الدنيا وجنة الآخرة

حزيــــــــــــــــــن said...

انت يبنى بتكلمنى بالطريقه دى ليه
وفيها ايه لما اكلمك فى التليفون واطل عليك فى المدونه
اصحاب يا جدع
انت مش صديئى الانتيم

وبعدين ياعم خلاص مش هعدى عليك تانى

عين ضيقة said...

طيب رمضان كريم الاول
أنا آسفة ع التأخير

القصيدة بقى

واياك تنسى الحسنة السودة المركونة على رف شفايفك
خايف؟
..عارفك..

حلو الجزء ده

غير عتمة ضلمة يا دوب تسمحلك

هو فيه عتمة ضلمة؟
خانتك الكلمة ياريس


خايف؟
..عارفك..
هش..وأمانيك كلها ماتت
احساسك ..مات
وزمانك..فات
ومدار الشك اللى فى بالك
حواليك بيطوف
وآثار البسمة اللى فى وشك
ماتت مالخوف
..
ماتت مالخوف
لساك خايف؟؟

الخاتمة جيدة

العمل ككل
أجهدت نفسك جدا بالقافية او الرنة اللى بتم مع نهاية الجملة بما انه شعر عامى يعنى
فيه جزء فى العمل عامل زى النصايح اللى مابتنفعش

بس العمل جيد بردو ويدفعنى لقرايته اكتر من مرة
وعلى فكرة ده كفاية على العمل الادبى

ياللا بقى كل سنة وانت طيب

بتاع العسل said...

رمضان كريم

وكل سنة وانت طيب

الأستاذ said...

مش المفروض البوست اللي فات كان آخر الانكسارات؟ ولا رجعت في كلامك؟ ياريت يكون ده الأخير بعد اللي كان آخر واحد.. حاول تغير الحلة حتى لو انت مش كدة هتلاقي نفسك مختلف .. وإن شاء الله تكون آخرها بجد

inksarat said...

حزيــــــــــــــــــن
..
بقى هى دى اخرتها .. لكن هقول ايه
اللهم انى صائم...
:-)

**********
عين ضيقة
..
طيب اولا.. كل سنة وانتى طيبة
ثانيا.. بشكرك جدا على تعليقك الثرى ده
..
يعنى...بنحاول نتعلم منك يا فندم
ويا رب كده نكون تحت النظر دايما
كل سنة وانتى طيبة مرة اخرى

inksarat said...

بتاع العسل
..
وانت بخير حال

********
الأستاذ
..
البوست اللى فات قلت ..لعلها..ولما اتلقيت الموضوع مش هقدر عليه اتقدمت باعتذار رسمى اللى هو فوق القصيدة دى على طول
وعموما انتظر منى بوستى اللى جاى لعله يكون بعيدا عن الانكسارات
تحيتى لك