Sunday, July 12, 2009

بوهيّات



بـحلم أروحلِك بروحي يامـين يوَدِّينـى

أمــانه لو طـــال بعادِك عنّـــى وِدِّينـى

لو طال غيابى وغيابـِـك لسـه بينّا كتير

إمـلى بحنانـِك كاساتـى وصبّى وإدّيـنى


******




راجــع بطول الغـيـاب وكأنى ما عارفـها

أهــل البلــد أغـراب والغُرب معارفــــهـا

اشتقت ريحة الصحاب .. واللمة تِحييني

سحرت عيوني المُدن والقلـب مع ريـفها


****






فاتــت عليّــا السنيــن والحـب كان صاحبى

ضــرب بقلبــى المــثل للخلــق ونصـــح بي

ولمّـــا ضـاع لشــتـياق وتُهــت فى دروبــــه

سكت فى قلبى الحنين لا عاتبنى ولا صاح بي




19 comments:

واصطنعتك لنفسي said...

السلااام عليكم

على غير عادتك.. تدوينة تفيض بأحاسيس صريحة ومباشرة للغاية.. لعلها فاضت
تعبر عن أقصى الغربة.. وأقصى الحنين

"لا عاتبني ولا صاح بي"
استمسك..أوعى تستسلم لأمواج الحنين فتقذفك بعيداً عن شاطيء الحياة
.
.
الصورة وتكرارها مؤثر أوي

دمت بكل خير يا أحمد

إيمان

Unknown said...

حلوة يا معلم
بس مسمعتش الكلام ليه
ربنا يرجعك بالسلامه يارب
مستنياااااااااااك
:)))

Esmat said...

أكتر من رائع بوهى

إحساس تنطق به الكلمات

كمل بوهى
فى إنتظار المزيد

قلب ينبض لله said...

اول مقطع عن الحب
خير ان شاء الله ;)

تسلم ايدك :)

Anonymous said...

راااااااااائع يا فندم

جمال لغوي ومعنوي

دمت مبدعا :)

فاتيما said...

إيه يا احمد التجليات دى
الله يفتح عليك
و يطمن بالك
و يرجعك بالسلامة يا رب
أنا ببعتتلك السلامات
مع سلامة و مهنى
اوعى يكونوا بيكلوا نصها
ف السكة و لا حاجة

عصفور المدينة said...

ر و ع ة

Amira said...

جميلة جداو .. و بس

Neveen Ali said...

حتنافس جاهين ولا ايه يا بوهي
حلوه اوى بجد
بقالى كتير مدخلتش مدونتك الحلوه

Jana said...

تتخيل أن ألم الغربة فى كلماتك لا يشعر بحجمه الا المغترب ...
ولكنك أوجعت قلوبا تشتاق الى أخرى اغتربت عنها

..ريحة الصحاب
شجن عالى

التدوينة السابقة ايضا ...اكثر من رائعة

كلمات من نور said...

اشتقت ريحة الصحاب .. واللمة تِحييني

الله عالكلام شوقتنا للصحبة واللمة

كلام كله حنين جميل

يا مراكبي said...

الله بجد

ترتيب منطقي جدا للكوبليهات

حنبن

وبعدين صدمة

وبعدين اعتياد الصدمة خلاص

ودي هي المراحل الطبيعية اللي بتحصل لأي مغترب بجد

أنا مريت بيهم كلهم

كراكيب عادل said...

بضم صوتي لصوت مراكبي

وبضيف بعد اعتياد الصدمة

لازم تكون مطاطا

فى القلب said...

يعنى اقول أيه فى كل التعه ألى سببتهالى و انا بقرأء
متعه ممزوجه بألم الغربه و الترقب
ودى قمه الأحترافيه و قمه الصدق
دمت جميل كده على طول

Anonymous said...

حلوه اوي الرباعيات دي :)

كلمات من نور said...

ما شاء الله كلام للقلب مباشرة

ربي يزيدك من الجمال في التعبير وقوة المعاني لما باقرا كلماتك بحس بمعاني كتير وبفراشات تطير

Anonymous said...

جامدة قوي يا حاج احمد والله
تسلم دماغك يا ابني

أد ايه انت انسان حساس

-_- said...

ابيات حلوة

أهــل البلــد أغـراب والغُرب معارفــــهـا

واحد من الناس said...

بصراحه ياواد يابوهي انت جيت عالجرح والله حسيت بكل شئ عايز اقوله.... ربنا يكرمك تميز حقيقي..