بـحلم أروحلِك بروحي يامـين يوَدِّينـى
أمــانه لو طـــال بعادِك عنّـــى وِدِّينـى
لو طال غيابى وغيابـِـك لسـه بينّا كتير
إمـلى بحنانـِك كاساتـى وصبّى وإدّيـنى
******
أمــانه لو طـــال بعادِك عنّـــى وِدِّينـى
لو طال غيابى وغيابـِـك لسـه بينّا كتير
إمـلى بحنانـِك كاساتـى وصبّى وإدّيـنى
******
راجــع بطول الغـيـاب وكأنى ما عارفـها
أهــل البلــد أغـراب والغُرب معارفــــهـا
اشتقت ريحة الصحاب .. واللمة تِحييني
سحرت عيوني المُدن والقلـب مع ريـفها
أهــل البلــد أغـراب والغُرب معارفــــهـا
اشتقت ريحة الصحاب .. واللمة تِحييني
سحرت عيوني المُدن والقلـب مع ريـفها
****
فاتــت عليّــا السنيــن والحـب كان صاحبى
ضــرب بقلبــى المــثل للخلــق ونصـــح بي
ولمّـــا ضـاع لشــتـياق وتُهــت فى دروبــــه
سكت فى قلبى الحنين لا عاتبنى ولا صاح بي
ضــرب بقلبــى المــثل للخلــق ونصـــح بي
ولمّـــا ضـاع لشــتـياق وتُهــت فى دروبــــه
سكت فى قلبى الحنين لا عاتبنى ولا صاح بي
19 comments:
السلااام عليكم
على غير عادتك.. تدوينة تفيض بأحاسيس صريحة ومباشرة للغاية.. لعلها فاضت
تعبر عن أقصى الغربة.. وأقصى الحنين
"لا عاتبني ولا صاح بي"
استمسك..أوعى تستسلم لأمواج الحنين فتقذفك بعيداً عن شاطيء الحياة
.
.
الصورة وتكرارها مؤثر أوي
دمت بكل خير يا أحمد
إيمان
حلوة يا معلم
بس مسمعتش الكلام ليه
ربنا يرجعك بالسلامه يارب
مستنياااااااااااك
:)))
أكتر من رائع بوهى
إحساس تنطق به الكلمات
كمل بوهى
فى إنتظار المزيد
اول مقطع عن الحب
خير ان شاء الله ;)
تسلم ايدك :)
راااااااااائع يا فندم
جمال لغوي ومعنوي
دمت مبدعا :)
إيه يا احمد التجليات دى
الله يفتح عليك
و يطمن بالك
و يرجعك بالسلامة يا رب
أنا ببعتتلك السلامات
مع سلامة و مهنى
اوعى يكونوا بيكلوا نصها
ف السكة و لا حاجة
ر و ع ة
جميلة جداو .. و بس
حتنافس جاهين ولا ايه يا بوهي
حلوه اوى بجد
بقالى كتير مدخلتش مدونتك الحلوه
تتخيل أن ألم الغربة فى كلماتك لا يشعر بحجمه الا المغترب ...
ولكنك أوجعت قلوبا تشتاق الى أخرى اغتربت عنها
..ريحة الصحاب
شجن عالى
التدوينة السابقة ايضا ...اكثر من رائعة
اشتقت ريحة الصحاب .. واللمة تِحييني
الله عالكلام شوقتنا للصحبة واللمة
كلام كله حنين جميل
الله بجد
ترتيب منطقي جدا للكوبليهات
حنبن
وبعدين صدمة
وبعدين اعتياد الصدمة خلاص
ودي هي المراحل الطبيعية اللي بتحصل لأي مغترب بجد
أنا مريت بيهم كلهم
بضم صوتي لصوت مراكبي
وبضيف بعد اعتياد الصدمة
لازم تكون مطاطا
يعنى اقول أيه فى كل التعه ألى سببتهالى و انا بقرأء
متعه ممزوجه بألم الغربه و الترقب
ودى قمه الأحترافيه و قمه الصدق
دمت جميل كده على طول
حلوه اوي الرباعيات دي :)
ما شاء الله كلام للقلب مباشرة
ربي يزيدك من الجمال في التعبير وقوة المعاني لما باقرا كلماتك بحس بمعاني كتير وبفراشات تطير
جامدة قوي يا حاج احمد والله
تسلم دماغك يا ابني
أد ايه انت انسان حساس
ابيات حلوة
أهــل البلــد أغـراب والغُرب معارفــــهـا
بصراحه ياواد يابوهي انت جيت عالجرح والله حسيت بكل شئ عايز اقوله.... ربنا يكرمك تميز حقيقي..
Post a Comment