Wednesday, May 14, 2008

اول خطوة فى طريق احداث ثورة ثقافية



ميلاد حلم
ــــــــــــــــ



وعدناكم

ووفينا بالوعد
.
كان مجرد حلم

لكننا اجتهدنا .. صارعنا كل الظروف والمحبطات


.كان الايمان بالحلم أعمق من أى الم

.أيام مضت لم ننم فيها

.. وايام اخرى لم نرى اهلنا ولا بيوتنا

حالة من الانقطاع عن الذات

ولكن فرحة تحقيق الحلم اعمق من أى شئ وأبقى

موعدناالخميس 22/5/2008 الساعه 6.30مساء

وسط البلد - ميدان التحرير -شارع طلعت حرب - مكتبة عمر بوك ستور

فوق مطعم فلفلةموعدنا مع انطلاقة حلم وميلاد جيل جديد من الكتاب والمثقفين

موعدنا معكم وفى انتظاركم


مع حفلة توقيع العدد الاول

من مدونات مصرية للجيب

******




أنا وصاحبى


جروب مدونات مصرية للجيب .. ..الفيس بوك





*****




وعد جديد
هذه مجرد خطوة .. نحو حلم جديد
انتظرونا ..؟؟





14 comments:

بت خيخة وأى كلام said...

الى الاحمدين
مهنا والبوهى

الف مبروك لكل المشتركين فى الكتاب ده

بس انا عندى ملحوظة عايزة اقولها علشان تبقوا تاخدوا بالكم منها المرة اللى جاية فى الاعداد الجديدة
الغلاف شكله مش ولا بد خاااااااالص

انا بقول كلامى ده عن دراسة مش كلام وخلاص
بما انى درست اعلام واخراج صحفى كنت خدت حاجة اسمها تصميم الغلاف
وخدت حاجة اسمها اسوء التصاميم واحسن التصاميم
وتصميم الغلاف بصراحة داخل من ضمن قائمة اسوء التصاميم
ياريت المرة اللى جاية تخلوا التصميم يكون صورة واحدة فقط
او صورة واحدة رئسية وحواليها صورة صغنونة

يارب اكون عرفت اوضح وجهة نظرى
لو معرفتش اوضح فده محتاج شرح علنى لما اشوفكم بقى
بس عموما انا فرحانة

مش انا اسمى مكتوب برضه ولا اييييييييه؟

تحياتى ليكم على مجهودكم

ونتقابل على خير فى حفل التوقيع

بس قولولى هو برضه مافيش سبوبة كدة ولا كدة؟

خلاص بلاش تبصولى شذرا كدة
انا ماشية بكرامتى

سلام
اختكم خيخة

inksarat said...

ده مش الغلاف يا استاذة نوران اصلا
ده بوستر الدعاية بس ... اصلا بردو
ـــــــ
انتى كنتى قلتيلى هتدفعى كام ... كام ..؟؟؟؟
مش سامع .... ايه ده انتى لحقتى مشيتى ؟؟
ــــــــ
عموما الف مبروك
واوعدك ان العدد الاول سيكون اول خطوة نحوة التطور والتميز والرقى
والى لقاء فى حفل توقيع يجمع بين حشود المدونيين ان شاء الله
ــــــ
اخوكى احمد البوهى

الزواج.....روضة الحب said...

أسهل حاجة إن الحلم يتحقق بعد شوية مثابرة وإصراروصبروإستعانة بالله ،لكن الصعب إنك تعرف تحلم وتحاول تحقق الحلم ،مبارك عليكم الحلم وتحقيق الحلم0

آلام وآمال said...

برغم انشغالي بقرف الامتحانات إلا اني متابع اخباركم أول بأول على فيس بوك
ومبسوط جدا على صدور العدد الأول

وبالتوفيق ان شاء الله
وهحاول على أد ما اقدر اني احضر حفل التوقيع بإن الله

الف مبروك يا احمد
:)

آلام وآمال said...

وعلى فكرة
برغم اني مش دارس اي نوع من انواع دراسات الغلاف
:D
إلا ان شكل البوستر عاجبني جدا
وبيوضح الفكرة جدا جدا

مزيد من التقدم بإذن الله

و القادم....أجمل said...

مبروك علينا كلنا
و بالتوفيق دايما
كان نفسي آجي
بس الوقت هيتأخر
و إنتوا عارفين السفر بأه
:\

ربنا يعزكم و يكرمكم جميعا
إحترامي

:)

رئـــــيسـة حزب الأحلام said...

مشروع جميل بالتوفيق انشاء الله



وتحياتى

maha zein said...

مبروك
ابسط يا عم هنشرلك اعلانك عندي
يلا انشا الله محد حوش
عموما العنوان سهل مش يتوه
والاهم انه فوق فلفلة يعني اككيد في اكل وحركات
صح ولا ايه

عرين الغضب said...
This comment has been removed by the author.
عرين الغضب said...

أنا جيت !!

بجد أنا مبسوط جداً من الإيجابية اللي لمستها من جدية الموضوع ده .. حسيت إن لسة في شباب عايز يعمل حاجة في بلدنا !! شباب قرر أنه مايقعدش على قهوة او كافي شوب ويطلب شاي فتلة وشيشة تفاح ، وعينه على البنات اللي رايحة وجاية قدام القهوة ..
لأ ..
شباب عنده إرادة ..
عايز يقول حاجة !
عايز يعمل حاجة ..

عشان كدة حيقول وحيعمل ..

مين عارف ..
ممكن دي تكون بذرة لكيان آدبي ضخم .. الأجيال اللي بعدنا حتقول : الجماعة دول مارضيوش أنهم يكونوا ساكتين عن الفوضى اللي بتحصل أيامها ..

وومكن برضه يطلع أخينا أحمد البوهي لواء في أمن الدولة ..
ولما نروح ميدان التحرير يوم الخميس ، حيحدفونا في البوكس الأزرق الكئيب بتاع الحكومة الكافرة زي شولة الدقيق المسوس .. وسلم لي على الشعب المصري ..
عموماً أنا عامل حسابي وحاجي متنكر .. أنا مجهز أدوات التنكر من دلوقتي ..


يا سعادة اللواء (أحمد البوهي) ..

أنا جاي بإذن الله يوم الخميس ..

ولو حصل في الأمور أمور ..
أنا جاي تبع (مها زين) ..

وعايز حد يتكلم :)

تائهة فى أرض الأحلام said...

ان شاء الله هاحاول أكون موجودة

علشان أنا نفسى اشوف مبدعنا عمل ايه

ألف مبرووووووووك وعقبال الكتاب رقم 1000

نبضات said...

الف مبروك مع تمنياتى بالتوفيق الدائم وخبر جميل جدا ورشا (مكان فى القلب ) كلمتنى وحكون ان شاء الله من الحاضرين يوم الخميس

تحياتى

امام الجيل said...

الف مبرووووووووووووك

امام الجيل اللى جاى تاخر برضه

جيت اهنى
واعتذر كثيرا

انى معرفتش حضرتك علطول
حسيت انك زعلت بس انا جيت متاخر عذرا
فاتعرفت على الناس متاخر

سعدت بلقائك

ومبروك على الحفل الناجح والحضور الكبير

وربنا يوفقكم وتكبروا اكتر واكتر

امرأة تقول الذي لا يقال said...

ألف مبروك (: