।
مبقتش فاكر
غير يادوب البسمة في عيونِك
والحلم بيسافر لحد الموت
والحلم بيسافر لحد الموت
ولا يرجعش
مبقتش فاكر ليه عيوني من الألم
مبقتش فاكر ليه عيوني من الألم
ساكته مابتدمعش
يمكن يكون قلبنا بقى زيه زي الصخر
من امتى كان الموج بيخاف يعيش في البحر؟
من امتى كان الحب بيآمن بفعل السحر ؟
انا كنت مركب ورق مايشلش غير قلبين
تايه في بحر الحنين والموج بيحدفني
مبقتش حاسس بغربه وده اللي خوّفني
تفتكري يوم الرجوع هتردلي روحي ؟
ولَا في يوم الرجوع هتزوّدي جروحي ؟
يمكن يكون قلبنا بقى زيه زي الصخر
من امتى كان الموج بيخاف يعيش في البحر؟
من امتى كان الحب بيآمن بفعل السحر ؟
انا كنت مركب ورق مايشلش غير قلبين
تايه في بحر الحنين والموج بيحدفني
مبقتش حاسس بغربه وده اللي خوّفني
تفتكري يوم الرجوع هتردلي روحي ؟
ولَا في يوم الرجوع هتزوّدي جروحي ؟
؟
؟
خايف أخاف منك
وافضل احبك بضعف ومن بعيد لبعيد
من امتى خانّا الحنين
وصبح في صبره عنيد ؟
من امتى عشق الذكريات
بيعوّض القلب الحزين
من امتى عشق الذكريات
بيعوّض القلب الحزين
عن نبض بيخليه سعيد ؟؟
من امتى سيبنا الوقت يسرقنا؟
وضعف الحلم فرّقنا
وطيفنا بيبتدي يسكن ملامح خوفنا م الاحلام
من امتى انا وانتي ابتدينا نخاصم الايام ؟
يمكن بقالنا زمان
والوقت فاق الحد
يمكن ما بينّا
يمكن ما بينّا
لكن كلام ع الأد
يمكن ويمكن أوى...... مبقتش فاكر بجد
يمكن ويمكن أوى...... مبقتش فاكر بجد
।
।
।
احمد البوهي
