Wednesday, August 15, 2007

رتوش نثرية

قصتين قصيرتين
عجز




انتفض من مقعده على صوت صرخةٍ مدويه
ـ لابد انها احداهن وقد وقعت فريسة لاحد جنود الاحتلال ـ
تذكر انه كفيف جلس مرةَََ اخرى وتمنى لو كان أصم ...أيضا..!؟




الباب الخلفى



احتضنها بقوة ثم اخذ يمسح على شعرها المنسدل فى رفق شديد..طبع على جبينها قبلة باردة
استسلمت.. خارت كل قواها ..وذرفت دموعا كثيرة
تركها
البسوها فستانا ابيض
ركبت معهم سيارة بيضاء
مكتوب على بابها الخلفى..مستشفى الامراض العقلية...!؟

55 comments:

قصاقيص said...

بجد حلوة اوي
صغيرة ومقتضبه لكن مشحوونة باحساس عجز
هو صحيح كتير ممكن يعتبروا ان روح القصه القصيرة جدا دي هي استسلام مش عجز
بس انا شايفه انها في جمل قصيرة وصفت المعني اللي هي اتكتبت علشانه واللي اتسمت بيه.."عجز"؛
..............
تحياتي

Hayam said...

نهاية غير متوقعة جعلتني اصدر صوت دهشة

ملاحظة : ذرفت وليس زرفت

عين ضيقة said...

وتمنى لو كان أصما أيضا
وانا كمان

انا هعتبرهم قصتين قصيرتين
عجز .. هى مش مكثفة هو الحدث هو اللى لا يحتمل اكتر من كده
لكنها كويسة
النهاية فيها مش مفاجئة بس كويسة

الباب الخلفى .. على اعتبار انها قصة أخرى يعنى
فهى جيدة لأنى هدور بفكرى فى كذا مكان علشان اتخيل اكتر من حدث ادى بيها لمستشفى الامراض العقلية

على اعتبار انهم قصة واحدة بقى بوجود عنوان جانبى
فهتبقى... مش جديدة
حصلت بالضبط كده فى افلام عربى كتير

على فكرة ياافندم .. الزعل مرفوع والتقدم للأمام منتظر ومرغوب


رتوش اللى فاتت انا علقت عليها قبل كده
وللا اقول تانى؟

عن كونى اعرفك بقى وللا لأ
فأنا مش عارفة لأن بروفايلك مش فيه حاجة محددة
بس انا مااعتقدش انى اعرفك من قبل كده
لكن حاليا انا اكيد اعرفك
بالامارة عندك مدونة اسمها انكسارات
ههههههههههههههه

تشرفنى معرفتك طبعا

سلام بقى انا طولت جدا وكده انت هتمل منى

Ahmed EIssa said...

تكثيف جامد ياعمنا
ومشحون بقدر عالي قوي من الاحساس

unknown said...

العجز احساس فعلا مميت

Egypt Rose said...

انكسارات
اسم قوى و مؤثر جداً .. ابشع صور العنف هو الاغتصاب .. ان تغتصب جسد انسان .. احساس مؤلم بل قاتل ونهايته إما الموت انتحاراً او الجنون

اسلوبك جميل وانا سعيدة بيك وبزيارتك مدونتي لاول مرة

يا رب دائماً

سكوت هنصوت said...

جئت على عجل

تلبية للدعوة...و سعدت للغاية

مسني المشهدين جدا...أعرف القصص الجيدة

حين ادعو الله ان تطول قليلا حتى تمتعني أكثر

و قد تمنيت لو أن مشهديك كانوا اطول...

مدونة لطيفة للغاية..

أشكرك بشدة على الدعوة الكريمة

انكسارات .. احمد البوهى said...

قصاقيص
....
فى بعض الاحيان العجز يدفع للاستسلام وربما تنشأبينهما علاقة تبادل يألفها الانسان فيما بعد
اشكرك بشدة على بقية تعليقاتك الثرية.. هو صحيح انا قفلت باقى التعليقات الان لكنها كانت ثرية بحق
**********


youma
....
اشكرك على التعليق والملاحظة الجميلة دى
خطأمطبعى وتم معالجته ..شكرا يا فندم

انكسارات .. احمد البوهى said...

عين ضيقة
......
الحقيقة كنت مفكرهم واضحين انهم قصتين لكن الظاهر انى المفروض كنت اكتب ده كعنوان جانبى ..... يا رب صبرنى !.ـ
بس تصدقى اتلقتهم ينفعو يبقو قصة واحدة.. هههههه
****
انا ظنيت انك تعرفينى من اسلوب كتابتك وكمان تعليقك القديم
عموما شرفتينى بالزيارة
وعادى طولى براحتك
المدونة مدونتك يا افندم

انكسارات .. احمد البوهى said...

احمد عيسى
...
ربنا يكرمك ويعزك
وارجو تكرار الزيارة
اشكرك
**************


unknown
سعيد جدا بزيارتك وعودتك
وفى انتظار بوستات جديدة فى مدونتك
تحياتى

انكسارات .. احمد البوهى said...

Egypt Rose

اشكرك.. البوست بتاعك جميل فعلا
ويارب فى تقدم دائم
اتمنى زيارات دائمة
***************
sokoothansawt

شكرا جزيلا على تعليقك الجميل وتقبلك للدعوة بهذه السرعة
اشكرك بشدة
وعلى فكرة انا بتابع مدونتك منذ كثير بس كنت مقصر فى التعليقات ..عرفت المدونة عن طريق صديقى حزين
تحياتى لكى اكرمكى الله واعزك

انكسارات .. احمد البوهى said...

Egypt Rose

اشكرك.. البوست بتاعك جميل فعلا
ويارب فى تقدم دائم
اتمنى زيارات دائمة
***************
sokoothansawt

شكرا جزيلا على تعليقك الجميل وتقبلك للدعوة بهذه السرعة
اشكرك بشدة
وعلى فكرة انا بتابع مدونتك منذ كثير بس كنت مقصر فى التعليقات ..عرفت المدونة عن طريق صديقى حزين
تحياتى لكى اكرمكى الله واعزك

أحلى حيـــاة said...

حتى لو البيضه بقت بخمسين قرش بردو هنفضل ناكل بطاطس

احييك
انا عرفتك من مدونة صديقك بس هو ليه قفل التدوين
كلماتك جميله

شمعة أمـــــل said...

صحيح ان اسم مدونتكك انكسارات
لكن الانكسارات جوه قصص صعبه اوى
برغم كلماتك القليلة لكن بتحمل معانى تتشرح فى كتب
تحياتى على بوستات الرائعة دى

سندباد said...

صدقني ياعزيزي انا وقفت لفترة كده ببص علي القصتين
واول خاطر جه علي بالي
انا الاحساس بالقهر اصعب احساس في الدنيا
برافو عليك خير الكلام ما قل ودل

EGYPT EYES said...

اقل حاجه يتوصف بيها البوست دا أنه رااااااااائع
تحياتي لروحك الحساسه

نـــــــور said...

بداية اسم مدونة رائع

القصتان رائعتان بدون مجاملة


احب ايضا ان احييك على اختيارك لكتاب من وحي القلم ضمنا للكتب المفضلة لديك

فما شعرت بأحاسيس اروع من تلك التي شعرت بها عند قرائتي لهذه السلسلة للمبدع القدير الرافعي


تحياتي لك ، وإن شاء الله تتكرر زياراتي

Maha said...

أقصر تدوينة قد تثير كما كهذا من المشاعر

ما شاء الله .. ابداع

Carol said...

أسلوبك رائع:)
فيه ذكاء و موهبة
فأحيانا الموهبة وحدها لا تكفي لابد لأن تتوج ببعض من الذكاء

سكوت هنصوت said...

أخي العزيز

يشرفني ان تتابع مدونتي

لكن بما انك عرفت مدونتي من خلال حزين

فيا ترى..اتدري ما به

لماذا انقطع عن التدوين فجأة؟؟

إن كنت تعرفة..فبلغة السلام

و شكرا لك على إستضافتي

أثقلت عليك

انكسارات .. احمد البوهى said...

شمعة امل
......
شكرا جزيلا على كلماتك الجميلة

**********
sendbad
اشكرك على تلبية الدعوة واشكرك على التعليق .. ارجو منك زيارات متكررة
تحياتى

انكسارات .. احمد البوهى said...

EGYPT EYES

اشكرك وارجو ان اكون دائما كما يبدو لك الان

***
نـور

شرفتينى باول زيارة ومرحبا بزياراتك المنتظرة

عنك حق .. فكتاب من وحى القلم من اجل الكتب التى قرأتها..رحم الله الاديب الفذ الرافعى

تحياتى

**********

Maha

كثيرا ما يحرك مشاعرنا كلمات قليله
اشكرك على كلماتك الجميلة

*******

انكسارات .. احمد البوهى said...

Carol

شكرا جزيلا ......كلماتك بها مبالغة؟؟
اشكرك ..تحياتى

**********

sokoothansawat
بالنسبة لصديقى حزين ..سأبلغه السلام..وسأحدثة فى امر عودته للتدوين

ولا شكر على واجب ..شرفتينى

انكسارات .. احمد البوهى said...

عيون ضيقة بتحاول تحوى السما
..........
هذا اسم مدونة رائعة
تحمل اعمالا تنم عن شخصية تمتلك عقلا مفكرا واحساس عالى جدا بالكلمات
مدونة تستحق المتابعة واعمال تأخذك اليها
......
وده عنوان المدونة
http://3endaya2a.blogspot.com/
..........
تحياتى لكى ..عيون ..والى الامام دائما

أحلى حيـــاة said...

يعتمد هذا النوع من القصص القصيرة جدا والتى يطلق عليها قصص الومضه
على ابراز القصه فى شكل مشهد فهى لا تترك لك خيارا فى ان تسترسل فى المشاعر ولكن فقط ان تتخيل القصه وكانها تحدث على خشبة مسرح وهذا اميز ما يميز هذا النوع من الادب القصصى

لكن احب ان اترك انطباعى الشخصى عن قصصك
فقد لاحظت انها بالرغم من الدقه فى توصيف الموقف فى اقل كلمات وادق تعبير الا اننى فى قصة الباب الخلفى مثلا وبعد قرائتها لم ادرك جيدا ماذا تريد حضرتك ان ترسل لى من خلال القصه
هل فقط تريد ان تعكس انطباعى وتفاجئنى بتلك النهايه بعد ان تحدثت عن القبله وشعرها المنسدل ووضعتنى فى ايحاء ان حبيبا وحبيبته تحكى عنهم
ام انك لك رساله خاصه من هذه القصه ولماذا اطلقت عليها الباب الخلفى بالرغم من ان الباب الخلفى للسياره لا يمثل اى رمزيه هنا فكلمت مستشفى الامراض العقليه تكتب ايضاً على جانب السياره وتكون اوضح

ان التفلسف فى حد ذاته امر جميل اذا كان يخدم قضيه ولكن ان نتفلسف لكى نبهر الاخرين او لنختبر قدرتنا على التفلسف فهذا أمر متروك الى المنشغلين بالحياة عن الاخره

واخيرا اتمنى من قلمك الرائع ان يكتب فى سبيل الله

انكسارات .. احمد البوهى said...

أحلى حيـــاة
......
اشكرك يا عزيزى
تعليقك ينم عن شخصية مثقفة ومفكرة
بالنسبة لقصة الباب الخلفى....فعادتى الا اشرح عمل ادبى لى فلك وجهة نظرك ولكن الذى استطيع ان اقوله لك انها تحمل رسالة خاصة وقضية .. وعنوانها الباب الخلفى جاء ليعبر بالقارىء الى الجانب الاخر من القصة التى بها يرسم تصوره الذهنى الذى يقوده فى النهاية الى مرادى من القصة
....
لا اتفلسف كثيرا ولكنى اعتمد فقط على احساسى وعمق الفكرة
..........
معك حق فلابد ان استخدم قلمى بنية صادقة واخلاص لله عز وجل
تحياتى لك

huda gamal said...

قصتان هما الاقصر والاروع بحق
:)
الى الامام دائما

الحلم العربي said...

مدونتك جميلة و اسلوبك اجمل

تمنياتي بالتوفيق

بالنسبة للشخص الأعمي ...ربما الكثيرين منا تمنوا ما هو فيه عندما رأوا ما يحدث في بلادنا

تحياتي

صاحب البوابــة said...

احساس جميل للغاية

ووصف اكثر من رائع

تحياتي

linda said...

نعم احيانا يكون لاصمم والبكم والخرس جميل وشيء نتمناه في عالم كعالمنا

أم اللباس الأبيض فاانا ايضا لم اتوقع هكدا نهاية توقعت موتها او رحيلها بين يديه ولكن صدمتني النهاية تماما
لا استطيع تبرير موقفه فهو مذنب بكل الأشكال

-_- said...

مدونة رائعة

حزين انى لم ازرها من قبل

http://kasperb4.blogspot.com/ said...

يااااااااه
انا اسف جدا اني اتأخرت كده
اعذرني يا صاحبي معلش
ومش لاقي كلام اقوله على كلامك اللي قل ودل
من اجمل الكتابات اللي بحبها اللي تكون قليلة الكلامات كثيرة المعاني جارفة الاحساس
تحيتي لك

حزيــــــــــــــــــن said...

اخى لماذا لم يصرخ ذلك الرجل الكفيف على اى احد ليساعد الفتاهبدلا من ان يتمنى ان يكون اصم

اخى على الاقل تلك الفتاه الغير عاقله سوف تدخل الجنه ان شاء الله
ولكن هناك الاف العاقلين يكرهون انفسهم من رائحة المعصيه

احمد مهنى

انكسارات .. احمد البوهى said...

huda gamal
تمنيت ان تكونى اول من يعلق على هذا البوست ..فربما تعليقك السابق على القصة الاولى جعلنى اضم اليها القصة الثانية فى هذا البوست
.. اشكرك

************

الحلم العربي

ربما .. ولكنى اتمنى ان يكون العكس
اشكرك.. ولكى تحياتى


*************

صاحب البوابــة

شكرا جزيلا ليك
..
واحب اسجل اعجابى بمدونتك الهادفة الرائعة

انكسارات .. احمد البوهى said...

linda
الحواس العاجزة اصبحت حلا سريعا لمشكلات كثيرة فى عالو كعالمنا
اشكرك

*************

Sharm
انت الاروع
تحياتى

************


آلام وآمـال
تحياتى ليك يا صديقى
بشكرك

انكسارات .. احمد البوهى said...

حزيــــــــــــــــــن

صديقى .. الرجل الكفيف ليس امامه بدائل كما تتخيل لانه عاجز الارادة

تحيتى ليك وبشكرك على مرورك

انت مش ناوى ترجع بقى؟؟؟!!؟؟؟

حزيــــــــــــــــــن said...

صديقى كلماتك هذى تسلبنى البدائل

لا تسالنى من انا؟

FadFadA said...

هذه أول زيارة لي لمدونتك
و من الواضح أنها لن تكون الأخيرة
كما قال لي أحد الأصدقاء : قليلون هم من يستطيعون بكلمات قليلة صياغة أكوانا خاصة بهم

و أنت منهم

محمد

حــكــايــة said...

بجد القصتين اجمل من بعض
و عجز بالذات .. المختصر المفيد فعلا

تمكنك من الكلمات حلو اوى
تحياتى ليك :)

mirage said...

عقلاء محتجزون ...تركوا العالم لأمثالنا المجانين!!!!!!!!!!
أبدعت في الفكرة
تحياتي

همسات دافئه said...

أبدعت
هزنتى قصتك
على قدر بساطه الكلمات على قدر عمق المعنى
رائع ياأخى أحييك أسعدنى مرورى

Anonymous said...

السلام عليكم ورحمة الله
مدونتك رائعة أنا أول مرة أخش و أشوفها .
أنتِ متعرفنيش و لو عرفتيني يمكن تشوفيني عاجز و خارج من الباب الخلفي فتخجلي وتسألي نفسك هو حصله كده ليه فتعرفي انها إنكسارات متلاحقة بس لسة في أمل ...أن إحنا لسة في مصر "أااااااااااه" ده صرخة ألم بس فرحان ....لا لا مش مجنون بس علي وشك ...ممكن تقولي حيران تايه و نفسُه ربُه يرضي عنه .
بجد مدونتك رااائعة .
ممكن تناديني [ِأبو الدوم.

Anonymous said...

أسف علي الكتابة بصيغة التأنيث بس كان مجرد إحساس .....
بكرر أسفي الشديد

انكسارات .. احمد البوهى said...

FadFada
اشكرك .. واتمنى ان تكون دائم الزيارات

على فكرة انت كلماتك قليلة ايضا ومعبرة جدا

*****************
حــكــايــة

شكرا جدا...

تحياتى

*******************
mirage

ابدعت فى التعليق
اشكرك

انكسارات .. احمد البوهى said...

واحدة من الناس

اسعدنى مرورك اكثر
فى انتظار مرور متكرر
والاشارة هتكون دايما مفتوحة
اشكرك ..تحياتى

*****************

انكسارات .. احمد البوهى said...

ابو الدوم

اسعدنى مرورك بس انا نفسى اعرف انت مييييييييين

على فكرة لازم اناديك ابو الدوم لانى معرفش اسم تانى ليك مع انى مش فاهم الاسم ده
.....
سؤال برىء.. ما هى نسبة المدونات الذكورية الى الانثوية اللى انت بتابعهم؟
تحياتى ليك واتمنى اشوفلك مدونة قريبا

Anonymous said...

أبدعت فى الفكرة
وقى التناول والتعبير


بوست رائع


تحياتى

حزيــــــــــــــــــن said...

انت يبنى انا جيت اهو وملقتش حاجه جديده
انت بتشتغلنى

على فكره القصتين مش عاجبنى
الاولى مش عاجبانى لأنك بتظيط على افكارى بيها والتانيه مش عاجبانى لامفهمتش الرساله منها ايه
انا عارف انك هتمسح التعليق مش مهم هتصل بيك واقولهولك

انكسارات .. احمد البوهى said...

princessdodo
سعيد بمرورك
اشكرك وفى انتظار زيارت متكررة

انكسارات .. احمد البوهى said...

حزيــــــــــــــــــن
يا رخم..
بالعند فيك مش همسح التعليق
..
ولما تتصل بردو مش هقولك انا اقصد بالقصة التانية ايه
..
وسلملى على كوستا
اشاعات...؟؟؟؟؟
سيب الراجل فى حاله

سلام .. يا صديقى وانتظر منى رخامة مضادة هههههههههه

حزيــــــــــــــــــن said...

انا كنت عارف انك هتعند معايا ومش هتمسح التعليق عشان كده قولتك انى عارف انك هتمسحه عشان تعند
ههههههههههههههههههه
بقولك انا رايح العب
game thery
بعد مهرجان البرمجه وموبايلك مش بيرد
ابقى كلمنى

فوضى منظمة said...

جميلة .. وحلوة أوي جدا خالص

hoda omran said...

حلوة جدااااا
ومكثفة بشكل جميل
ووصلتلى معنى موجع اوى
"العجز"
تحياتى لييييييييييييك

noha said...

جميل اوى المعنى اللى بداخلهم

:)

جزاك الله خيراً

حزيــــــــــــــــــن said...

انت يبنى فين الصوره بتاعتى

على فكره القصتين لسه مش عاجبنى

والتانيه مش عاجبانى اكتر لأنك حاولت تفلسف وتعمل نفسك واد فقيق وبتعرف تعمل نهاية غير متوقعه
قوم الفكره ضاعت فى النص

بردو مش عاجبنى حتى لو عملت فيهم الللى