Tuesday, October 14, 2008

انكسارات

منعطف شعر
ــــــــــــــــــ




أُقايض زيفَ امنيتى بمعصيتى
وأعشق فى الهوى صِلتى بأشجانى
وتاه شراع راحلتى بأروقتى
وزاد الصمت من ثقتى .. بأن الشعر لى وطنٌ
وبيت الشعرِ لى سكنٌ
وبحر الشعرِ اذ ضاقت به سُبلى
يُرغِّبنى بأن أشدو على لحنٍ
يعانق شدو احزانى
وليلٌ ساكنٌ
اسرى فؤادى فيه فى شغفٍ الى حلمٍ الاحقه
فصار الحلم لى قيدٌ
وضاع رحيق شطآنى
ولى قلمٌ اناظره
فغادر موطنى سخطًا
وودَّعنى وأوصانى
بأن الشعر اذ ابكى عيونا .. صار عنوانى
وأن الحلم اذ اشقى قلوبا .. صرت ارغبه
ويرهبنى ..فأرهَبه
وأذكره .. فينسانى
وقد ماجت بىَ الذكرى
وبات الصمت يأبانى
ولى نفسٌ أُحدثُها بأن الذكرى قد ماتت
وأن الحب فى حكم الهوى فانى
فتنصحنى ..بأن ارنو الى القلب الذى جفت ينابعه
فأرفضها
فتأمرنى ..... فأعصانى




ـــــــــــــــــ ــ ــ ــ ــ ـــــــــــــــ

رتـــــــوش
ــــــــــــــــ
ـ


لا أعلم تحديدًا لماذا يجرفنى الشعور الدائم باليُتم الى رغبة شديده فى المذيد من الوحده
ولا ادرى اذا كانت مسحة الشجن التى تغلف حياتى بأكملها تتناسب طرديا مع حالة الصمت والتأمل ام ان هذا يحدث معى مصادفة
ولا ادرى لماذا استسلم دائما لهذا النمط الكتابى الذى يطلقون عليه شعرًا رغم انى على يقين تام انى لست بشاعر ولن اكون غاية ماهنالك انى اكتب ما تمليه عليا نفسى ويصدقه الشجون...... لا ادرى


ـــــــــــــــــــــــــــــ ـــ ــ ــ ــــــــــــــــــــــــــــــــ



حنين !!؟
ـــــــــــــــــــ




كنا بناخدها مشى من القصر العينى من فوق كبرى الجامعه نوصل لجامعة القاهرة ياخدنا الكلام ونلاقى نفسنا فى ميدان الدقى ونتمشاها لساقية الصاوى ونحن للنيل تانى .. نتمشى لحد كوبرى قصر النيل يسرقنا الوقت ونتلاقى نفسنا بنشرب شاى واحنا قاعدين عالنيل ولسه بنتكلم .. دااحنا كنّا مجانين ياعم ....لسه بتروح تشرب شاى عالنيل يا مهنى ؟؟

ـــــــــــــــــــ ــ ــ ــ ــــــــــــــــــ

بوست قديم
ـــــــــــــــــ

عاجز

مع ان ملامحك سرقت منى ملامحى
انا عمرى ما شفتك يوم بتجسد فرحى
عاجز
وبتخطف منى الضوء وبتعكس صورتك
وسايبنى لوحدى حزين
حيران ..على حيرتك
ولا عمرك مرة واستنى فى جرح
ولا عمرى جيت على بالك
مع انك ضلى بتجبرنى
اختار وياك الصعب واعيش
على انى خيالك

ــــــــــــــــــــــ ــ ــ ــ ــــــــــــــــــــ
ــــــــــــــــــــ

احمد البوهى

20 comments:

عصفور المدينة said...

مهما نسيك الحلم فاستمر في ذكراه

أحمد سلامــة said...

انت تستحق اسم مدونتك
بجدارة
-------
بس بردو انا اللي حاسبت عالشاي

فى القلب said...

عارف يا أحمد و الله حاله اليتم دى حساها عندى وعندناس كتير
بس أحنا نشكر ربنا أن فيه بعض الناس حاسه بينا حتى بالرغم أنهم مش قادرين يغيرو ده
وأكيد مهنى معتش بيصتطعم طعم الشاى على النيل من غيرك بس أكيد بيحبه وبيشربه فى أماكن تانيه

الدنيا لازم تمشى يا أحمد بس بقدر الأمكان نحاول تمر علينا وأحنا مش حسين بالأسى أنتى حساس أوى يا أحمد عشان كده الغربه مقصره فيك
بس أنا أختك الكبيره وبقلك أجمد يا أجمد وكمل طريقك هناك الدنيا هنا صعبه جدا جدا
وأدى أحنا أهوحاسين ببعض على النت ممكن تكون عايش مع ناس يوميا ومش حاسين بيك
وبعدين مين قال أن الشاعر قرار شخصى مش بمزاجك تبقى شاعر أولاء أنت ربنا خلقك شاعر رغم عنك

أفهم و كلامى و ألى بين السطور يا أرق شاعر

دعوة الفردوس said...

ايه الجمال والأحساس ده

فعلا
لا تعليق

والقصيدة الصوتية
جااااامده


ربنا يزيدك بجد

الحمد لله اني دخلت المدونة دي
منتظرين المزيييييد

محمد الجرايحى said...

أخى المبدع الراقى: أحمد
السلام عليكم ورحمة الله وبركاته
شرفت بالتواجد فى مدونتك وبين ماسطرته أناملك من كلمات تحوى من المشاعر والأحاسيس أرقاها

تقبل تقديرى واحترامى
أخوك
محمد

كلام على بلاطة said...

كل عام وانت بخير

نـــــــور said...

مبدع كعادتك دوما

بجد بقف قدام كلماتك كتير ، ومنها كتير كأنك بتتكلم بلسان حالي


تحياتي لك

نـــــــور said...

صحيح

::
::

النيولوك جميل فعلا

سنووايت said...

للشجن عشاق
وللحزن أسري
رضوا به واعتادوه وأحبوه في بعض الاحيان
اذا كانت حزنك هي ملهمتك في القصيدة الأولي فأنا أشكرها ان اتاحت لنا فرصة للاستمتاع بكلمات كتلك
وان كانت في الخاطرة التانية فانا ارفع لها القبعة
ولكن لم الاستسلام لانكسارات للدرجة التي اشعر معها انك بدأت تحبها وتعشقها
مليئة حياتنا بانكسارات بالله عليك لتجعلها مرحلة لا اكثر

Jana said...

غاية ماهنالك انى اكتب ما تمليه عليا نفسى ويصدقه الشجون"

وهذا هو تعريف كلمة "شاعر" حسيا وليس اكاديميا
بأن ..يكتب ما تمليه عليه نفسه ويصدقه شجونه ..فيعيش الآخرين فى شجونهم وبدورهم يصدقونه

واهى حالة كده
!!!!!!!!

عاشــــــ النقاب ـقــــة"نونو" said...

السلام عليكم
انا شايفة حالة الحزن ولو ان ما اتمناش تفضل فيها ربنا يسعدك يارب
الا انها لها ناحية ايجابية على الشعرا
بينتجوا كتير ومنهم بينتج ابداعات
زي اللي حضرتك ابدعته هنا
والواحد محتاج يقرا تاني ويعيش في المود
ربنا يزيدك من فضله
اسعدتني زيارتك وتعليقك المميز
اتمنى دوام تواصلك للتعليق على مدونتي المتواضعة
دمت بخير

حزيــــــــــــــــــن said...

لأ مبقتش اشرب شاى على النيل ببقى لوحدى ومش بلاقى حد اشرب معاه
وسلامه مبيحبش يرح هناك كتير
---
بس النيل لسه بيمثلى حاجات كتير

تفتكر اننا كنا مجانين فعلا ؟
بيتهيألى انه كان جنون جميل

بس انت راجع قريب مش كده ؟

مصطفى السيد سمير said...

تحياتي لحنينك الجميل
اللي بيسكنى انا كمان للنيل

مع ان ملامحك سرقت منى ملامحى
انا عمرى ما شفتك يوم بتجسد فرحى

هايل يا صديق

كركوبة said...

رائع يا احمد
قصيدتك قوية جدا
كل كلمة فالقصيدة متكتبتش هباءا

كركوبة

noha said...

مفيش كلام يتقال

غير ان دائما لانكساراتك

طابع خاص مبدع

____

أسعدك الله فى الدنيا والآخرة

:)

شهرزاد said...

:( أنت مصر تنكد علي
رجاء لاتدخل نفسك في دوامة الوحده التي لا تنتهي وكفى انكساراً

اقصوصه said...

استمتعت برحلتي في تدوينتك

تقبل مروري

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
من يرغب في وضع البنر يرسل لي ميله كي ارسل له الكود

العـابـره said...

بأن الشعر اذ ابكى عيونا .. صار عنوانى
وأن الحلم اذ اشقى قلوبا .. صرت ارغبه
ويرهبنى ..فأرهَبه
وأذكره .. فينسانى

أعجبتنى كثيرآ


أشاركك الرطوش ولكن فى حالتى أطلق عليها شخابيط


أسعدنى المرور هنا

لك تحياتى

العــــابرة

Sharm said...

الشعر جميل جدا جدا