مسخ لبشر
سلمت نفسك للغرور
ولمحت روحك وارتبكت
بصيت لقيت نفسك وحيد
ولكل حاجة خسرت
صابك آلام وشجون
وهمس ظنون
ولا لطش عقلك جنون
قلبك حجر
مسخ لبشر
صورتك بتتهز بوتر
لونك بيتحول فى لحظة
لكل لون
وعنيك بيعشقها الغموض
لما ببصلها ببرود
من غير كلام بلقى الردود
وبشوف طريقك للسفر
موهوم وباصص للقمر
بصيت لفوق وطمعت
بصيت لفوق فوقعت
نبضك هرب
احساسه فر
جواك صراع بين خير وشر
بتقول برىء
والاقيك جرىء
وكتيييييير تخون
ضاع الطريق منك وضعت
تاهت عنيك وياه وتهت
ومن الامل مليت فمت
...
ومن الامل مليت فمت
ولمحت روحك وارتبكت
بصيت لقيت نفسك وحيد
ولكل حاجة خسرت
صابك آلام وشجون
وهمس ظنون
ولا لطش عقلك جنون
قلبك حجر
مسخ لبشر
صورتك بتتهز بوتر
لونك بيتحول فى لحظة
لكل لون
وعنيك بيعشقها الغموض
لما ببصلها ببرود
من غير كلام بلقى الردود
وبشوف طريقك للسفر
موهوم وباصص للقمر
بصيت لفوق وطمعت
بصيت لفوق فوقعت
نبضك هرب
احساسه فر
جواك صراع بين خير وشر
بتقول برىء
والاقيك جرىء
وكتيييييير تخون
ضاع الطريق منك وضعت
تاهت عنيك وياه وتهت
ومن الامل مليت فمت
...
ومن الامل مليت فمت
20 comments:
ألم داخلي عميق
صراع صادق
نجحت في ايصال المعنى
تحياتي
من احسن الحاجات ف وجهه نظري انك تقدر تعبر عن اللي جواك ببساطه والاحسن انه يوصل لباقي الناس وبرضه ببساطه
احييك على الفكره والاسلوب
سعيد بمعرفتك
بالرغم انى مش بعتبر القصائد العاميه عمل ادبى قوى
الا انى لا استطيع انى قرأت قصائد عاميه كثيره من اروع ما قرأت
دى الحته الرخامه اللى فى تعليقى زى كل مره عندك ههههههههه
ندخل بقى فى التعليق
القصيده بالنسبه ليا كانت بتفكرنى بالسيمفونيه التاسعه لبيتهوفن
انت عارف ان السيمفونيه دى كانت بيجى فيها اوقات تعلى تعلى تعلى لحد ما تصل لمرحله وتهدى خالص وبعدين ترجع تعلى شئ بسيط وتهدى تانى وتسرع احيانا وتبطء وقت تانى ودا اروع ما يميزها
الفكره رائعه بيتهيألى انها انطباع عن شخص تعرفه ولكن مع روعة الفكره اعتقد انك كنت تحاول ان تصيغ الفكره بأى شكل فوضعتها فى القالب دا
فى اجزاء مكسورة فى الوزن
اروع جزء عجبنى
صابك آلام وشجون
وهمس ظنون
ولا لطش عقلك جنون
قلبك حجر
مسخ لبشر
صورتك بتتهز بوتر
لونك بيتحول فى لحظة
لكل لون
احييك بشده ولو انك لما بتسمعهانى بالكلام بيبقى ليها انطباع مختلف
اشوف وشك بخير
انا قرأت الكلمات حوالي 3 مرات
حاسس فيها بشيء من اليأس لكن في نفس الوقت نبرة العتاب واللوم ممكن تكون سبب مهم في تعديل الانكسارات لعلها تكون اخر الانكسارات
:)
كراهية عميقة ولا حب أعمق .. إعجاب ولا احتقار .. ولا إحساس مختلط مش مفهوم
إحساس حقيقي باهنيكي عليه
أختلف معك ....للأسف ده أول الأنكسارات ... و أما عن آخرها....فما خفي كان أعظم
( يا رب أجبر قلب أنكسر )
فافتكره الناس قلب حجـــــر
بعد ما انكسر بعد مانـــــفجر
بالدمع..بالمايه بالغضب بالضجر
( يا رب اجبر قلب أنكسر).
يا رب اجبر قلب حزين
برئ.................وبقي جرئ
يا رب اهدينا قبل منضل الطريق
إحساسك صادق
ولهذا وصل للجميع
:)
أكرمك الله وأعزك
ولعلها من أجمل الانكسارات
:)
جزاك الله خيراً
لعلها اخر الانكسارات:)
جميله جدا اااا ، وعميقه اوى ..
على فكره اشعارك ليها مذاق خاص اوى ومميز ومش منتشر ...
الفكره جميله وانت صغتها باسلوب رائع
الى الامام دائما
ياتري فعلا ان الانكسارات بس هي اللي بيتولد عنها الابداع
ليه دايما بنجيد فن ايصال الانكسار يمكن لان تاثير الحزن فينا اقوي من تاثير الفرح
ياتري فعلا احنا مبنعرفش نفرح
ولما بنضحك نقول الله ما اجعله خير
وكان الضحك بداية شر
معلش دي مقدمة ملهاش لازمة
المهم كلماتك جميلة اوي واحساسك كان عالي اوي
تحياتي
بجد كلماتك المرة دى جميلة اوى
انت بتكتب باحساس عالى اوى
بحييك عليه
معانيك و كلماتك رائعه الله يبارك فيك
انكسارات
دى اول مرة ازور مدونتك الجميلة بس اكيد إن شاء الله ماتكون الأخيرة
التدوينة دى احييك عليها بشده الصراع داخلى اوى
تقبل مرورى
شعرك رائع . استمر
وتبقي اخر الانكسارات
لعلها آخر الانكسارات
وقدام شوية
السلام عليكم
استمتعت بكلامك فعلا
استمر
ما شاء الله
أعجبتني .. بارك الله فيك وفي قلمك
إنكسارات
هتصدقني لو قلتلك اني اعرف حد زي الي انت بتوصفة ده
انا مش هتكلم عن العمل الأدبي و انقضة..لإني مش متخصصة..و بحس ان الادب خلق كي نستمتع به كما هو دون الدخول في تفاصيل نقضية كتيرة...كي نشعر بدفقة من الكلمات تصف احاسيس نعجز ان نعبر عنها....كلماتك حسستني بكده...
ومن الامل مليت فمت..ومن الأمل مليت فمت....الجملة دي حسستني اني فيه غصة في حلقي...لوهلة حسيت اني مخنوقة..ومن الأمل مليت فمت..
بيتهيألي قصائدك تصلح للغناء...و لو فيه صوت حلو يغنيها...هيبقى عندنا وجيه عزيز و على سلامة تانيين
انا دئما عندك هنا يا انكسارات
واتمنى لو أبناء مصر تنشر ابداعتك دي عندها...
خالص الشكر والتقدير لكم جميعا
وتفبلوا اعتذارى واسفى فلم استطع الرد عليكم فرادى
تحياتى
جميل ودافئ ...
Post a Comment