Monday, August 6, 2007

رتوش

خجلان

خجلان من حلم
اتمنيته وبنيته سنين
ندمان على عمر اتسرسب منى
فى غمضة عين
وسنين بتجر وراها آلام وامآل وحنين
ولا عمرى بحقق حلم
ولا حتى عرفت انا مين؟

****


عاجز
مع ان ملامحك
سرقت منى ملامحى
انا عمرى ما شفتك يوم بتجسد فرحى
عاجز
وبتخطف منى الضوء
وبتعكس صورتك
وسايبنى لوحدى حزين
حيران ..على حيرتك
ولا عمرك مرة واستنى فى جرح
ولا عمرى جيت على بالك
مع انك ظلى بتجبرنى
اختار وياك الصعب
واعيش على انى خيالك

18 comments:

سندباد said...

الجو النفسي للمدونة رغم الحزن الغالب فيه شدني جدا والبوست فيه كميه معاني جميلة والفكرة في حد ذاتها جديدة وعجبني اوي حديثك مع ظلك اللي هو حديثك مع اللي جواك انا فهمتها كده
تحياتي ياعزيزي

http://kasperb4.blogspot.com/ said...

عاجز وبتخطف مني الضوء وبتعكس صورتك
--
كلمات معبرة جدا ورائعة
تحيتي لك ولقلمك المبدع
-----------

شكرا جدا على اهتمامك بالاستقصاء وابداء رأيك

حزيــــــــــــــــــن said...

مع انك ليا وجوايا
وبتعيش ايامى ومعايا
لكن بشتاق للى فى قلبك يصبح ليا
ليه دايما بتسبنى حزين
مع ان دموعك تجرحنى
والبسمه فى قلبك تفرحنى
بلاقيك بتحطم فى هوايا
مع انك ليا وجوايا


احييك على كلماتك الرائعه يا اعز الاصدقاء
بصراحه يا صديقى احنا بقالنا اربع سنين اصدقاء
بس تقريبا مسمعتش منك حاجات كتير عن مصر

وكنت عايز اسألك سؤال؟
انت مش كنت من اكتر الناس اللى بتهاجم الشعر الحر والعامى امال ايه اللى قلب كيانك هههههههههههه
؟
اخوك مش حارمك من حاجه
اشوف وشك بخير
اوعى تمسح التعليق بتاعى
:-)

huda gamal said...

ده شرف لى انى اتابع مدونه راقيه زى مدونتك ، انا متابعه التدوينات بس اعذرنى على تقصيرى فى التعليقات

التدوينه دى جميله اوى والللى قبلها رائعه بجد ماشا الله انت موهوب

واكتر تدوينه حبتها مع انها قصيره جدا هى العجز فعلا كلمه بس اقوى من 100 كلمه
تحياتى لك يا فنان

EGYPT EYES said...

كلمات جميله
تحياتي

heba labeb said...

اول زيارة ليا
بس بجد البلوج حلو جدا
وعجبنى اوى فى الرتوش دى الجزء دة

وسنين بتجر وراها آلام وامآل وحنين
ولا عمرى بحقق حلم
ولا حتى عرفت انا مين؟
بجد بجد عجبنى اوى
تحياتى

حــكــايــة said...

بجد اسلوب حضرتك حلو اوى
و كلماتك جميلة
و المدونة على بعضها رائعة

تسلم

حزيــــــــــــــــــن said...

اخى كم تمنيت ان اجاوب على سؤالك الذى افردته لى فى قصيده رائعه
لكنى لم اعد استطيع الاجابه على اى شء انا اعيش مجازاً اموت فى سخريتى من الواقه واتألم الف مره من كثرة الضحك واذوب فى عالم من النسيان واصنع الف قنديلا بلا اضواء وابحث عن زوجه ولا اجدها وامامى الاف النساء واشق كل فتاه لكنى لا اجد فيها ما يرضينى وامتهن الحياة واصطنع الصمود وانتظر الموت فلا انا اعرف كيف سأموت ولا كيف سأعيش حتى الموت فاذا اردت ان تبحث عنى فتش عنى فى ذاكرة الاوهام فتش عنى فى خرائب الاحلام فتش عنى فى المدن الثكلى فى القلوب العقيمه
لكن ارجوك لا تسألنى من انا
كلماتى هذى يا صديقى اكتبها لك بصدق ليست فلسفة كلام انما اكتبها والدموع فى عينى
فانا لم اعد انا
اراك فى عالم اخر فلقد اعتزلت التدوين كعادتى فى الاعتزال

Anonymous said...

أول جزء جميل جدا بجد
حلو أوى تعبير ..خجلان من حلم اتمنيته
...
الموضوع جه فى وقته
شكرا

شمعة أمـــــل said...

دى اول زياره ليا لكن بجد عجبنى اوى البوست
اسلوبك حلو اوى

ahmed mefrh said...

بصراحه
اول جزء له معنى اكثر من راااااائع
اما الجزء الثانى ففيه كلام
اما المدونه راااائعه
تحياتى
ابو مفراح

انكسارات .. احمد البوهى said...

sendbad
اشكرك على تعليقك الجميل
وبالنسبة للجو النفسى للمدونة فأنا اشعر بنشوة الكنابة وانا فى حالة الحزن هذه
بينما فى حياتى اليومية فانا مرح جدا ودائم الابتسام
تحياتى
****************

آلام وآمال
اشكرك يا صديقى
واهتمامى بالاستقصاء جاء بعد اهتمامك بقضيته
تحياتى لك
****************
huda gamal
اشكرك على متابعتك
وانا مش هنسى ان كان ليكى
اول تعليق عندى فى المدونة
اشكرك
*****************

EGYPT EYES
اشكرك على تعليقك الجميل ولرجو ان تكرر زياراتك
تحياتى

انكسارات .. احمد البوهى said...

heba labeb
...
حكاية
...
شقلوطة
...
شمعة امل
...
اشكركم جميعا شرفتونى باول زيارة وارجو ان تكون زياراتكم دائمة
واحب اسجل اعجابى بمدوناتكم الرائعة
تحياتى

انكسارات .. احمد البوهى said...

ابو مفراح
لك تحياتى وتقديرى
وكان نفسى اعرف منك ايه الكلام اللى فى الجزء الثانى لاننى فى حاجة ماسة الى نقد بناء
واشكرك على
اعجابك بالمدونة وبالبوست
وارجو ان تكون زياراتك متكررة

Unknown said...

-.-

linda said...

الحلم حيتحقق ...والحب حيتسرب بداخلك يوم من الأيام

بس كل يلي بتتمناه عاوز امل مش عاوز انك تكسرو وهو لسى مولود بداخلك

عيش الحياة وحتلاقيها تعرف تعيشك معاها


لي عودة


تحياتي

عاشقة الوطن said...

السلام عليكم
خجلان من حلم
اتمنيته وبنيته سنين

بس الحلم المفروض منخجلش منه الا اذا كان الحلم مش حلم صح او كنت انت أخطأت فى الحلم ده

ولا عمرى بحقق حلم ولا حتى عرفت انا مين

تصدق ان ديه اكتر حاجة الواحد بيخاف منها فعلا


وبتخطف منى الضوء
وبتعكس صورتك
وسايبنى لوحدى حزين

جميل الاحساس وجميل ان الواحد يخاف ان الحزن يمتلكه لوحده

تحياتى لما كتبت ولإحساسك بما تكتب


وشكرا على زيارتك مدونتى

انكسارات .. احمد البوهى said...

linda
فى انتظار عودتك
واشكرك على تعليقك الجميل
واكيد فى امل
وربما اتخلص من انكساراتى قريبا
اشكرك
************
عاشقة الوطن

خجلان من الحلم.. لانى عمرى ما حققته
واللى بيذود كسوفى اكتر انى بحس انه عندى القدرة انى احقق احلامى
...الامل موجووود ....

اشكرك على تعليقك ومدونتك تستحق زيارات متكررة